رياض منير
Admin
عدد المساهمات : 71
تاريخ التسجيل : 19/04/2009
 | موضوع: حب طفولي  السبت مايو 09, 2009 4:03 pm | |
| باح صمتي من بعد ذيك الهديه
........................حبيبتي وشلون قدرتي تكسبي
قدرتي تعيدي في قلبي القضيه
........................وأرجع على ذكراك أكرر مطلبي
نعيد ماضي ما عرف ذنب وخطيه
........................وأجدد آمالي معك يالله أقربي
حبيبتي آسف أنا حقك عليه
........................أعترف بالشوق وحقك تعتبي
مادريت إن الهجر أكبر بليه
........................ولا هقيت الهم يسبيني سبي
أمتليت أشواق وهموم وأسيه
........................زادي الهجران وبعدك مشربي
يا غنات الروح أرحميني شويه
........................الجفا والصد فيهم وش نبي
ليه بعدك يسبي الروح الشقيه
........................ليه تسقيني ظماك وتشربي
وين عهدك بالوفا يالنرجسيه
........................وين راحت ذكرى هالحب الأبي
تذكري يا بنت طفولتنا البريه
........................يوم كنى صغار جنبي تلعبي
كنتي تهديني من ألعابك شويه
........................وكنت أهديك لك ورود وتهربي
آه ماحلاها طفولتنا البهيه
........................قصة غرام(ن) بين بنيه وصبي
كنتي عنيده حيل وكنتي نديه
........................وكنت أنا مغرور وغيرك ما أبي
واليوم جيتك ماسك ورودي بإيديه
........................دموع عيني من على خدي تحبي
يالله حطي يالغلا أيدينك بأيديه
........................ما بقى لي غير حبك إقربي
قلتي وش جابك لمن جايب هديه
........................راجع بعد 20 عام(ن) وش تبي
منقول | |
|
